थाइल्याण्डया फुकेटय् जुयाच्वंगु आइ डब्लु एफ वल्र्ड कप २०२४ भारोत्तोलन कासाय् नेपालया कासामि सागर भण्डारीं न्हूगु राष्ट्रिय किर्तिमान दयेकूगु दु ।

थौं बिहिबाः जूगु कासाय् १०९ केजी च्वय्या पुचः अन्तर्गत मुक्कं ३०६ केजी भार ल्ह्वनाः न्हूगु राष्ट्रिय किर्तिमान दयेकूगु खः ।

थ्वयां न्ह्यः सागरं चीनय् जूगु १९क्वःगु एसियाली खेलकुदय् स्नाचय् १३४ केजी भार ल्ह्वनाः थःगु हे नामय् दुगु १३३ केजीया किर्तिमान त्वाःथःगु खः ।

अथेहे, उज्वेकिस्तानय् जूगु एसियन च्याम्पियनसिप २०२४य् क्लिन एन्ड जर्कय् १७१ केजीया किर्तिमान दयेकूगु खः ।

भण्डारीं फुकेटय् स्नाचय् १३४, क्लिन एन्ड जर्कय् १७२ यानाः मुक्कं ३०६ केजी भार ल्ह्वनाः स्वंगू न्हूगु राष्ट्रिय किर्तिमान कायम याःगु नेपाल भारोत्तोलन संघया नायः रामकृष्ण श्रेष्ठ, बोसं जानकारी बियादिल ।

नेपाली भारोत्तोलनया इतिहासय् कुलपाखे ३०६ केजी भार ल्ह्वनाः सागर छम्ह जक कासामि खः ।

थ्व हे दथुइ, यसैबीच नेपाल भारोत्तोलन संघं भण्डारीयात बधाई बीगुलिसें भबिष्यय् अझं सफल जुइमा धकाः भिंतुना देछाःगु दु ।