गोल्डेन भ्वाईस अफ नेपाल मदुम्ह प्रेमध्वज प्रधानं हालादीगु म्ये ‘छन्त छु जुल’ या म्युजिक भिडियो सार्वजनिक जूगु दु ।

सोमबाः यलय् जूगु छगू ज्याझ्वलय् गोल्डन भ्वाइस प्रेमध्वजलिसें प्रतिमा राजभण्डारीं हालादीगु ज्वःम्येया म्यूजिक भिडियो ख्यालि जुजु मदनकृष्ण श्रेष्ठं म्ये उलेज्या यानादिल ।

म्ये लोकार्पण धुंकाः न्ववासें ख्यालि जुजु श्रेष्ठं गीतसंगीतं मानसिक तनावलिसें गुलिखे शारिरीक समस्याय् तकं वासःया ज्या याइगु धासें थःत नं संगीतं हे उर्जा बियाच्वंगु धयादिल ।

ज्याझ्वलय् प्रकाश सायमि, विजयरत्न असंबरे, मनराजा नकःमि, गायिका प्रतिमा राजभण्डारी, म्यूजिक भिडियो निर्देशक विश्वास बज्राचार्य व गीतकार निर्मलरत्न शाक्यं नं म्ये व नेपालभाषा संगीत ख्यःयात कयाः थःथःगु बिचाः तयादीगु खः ।

म्ये च्वयेगुलिसें म्ये लय् नं निर्मलरत्न शाक्यं तयादीगु दु । म्यूजिक भिडियोया निर्देशन विश्वास बज्राचार्यं यानादीगु दु । लुःजः सिंहं छायाङ्कन याःगु म्यूजिक भिडियोया दृश्य सम्पादन बिजन राज बज्राचार्यं यानादीगु दु ।

म्यूजिक भिडियोमा चर्चित अभिनेता कर्मा र शोभा महर्जनले अभिनय गरेका छन् ।