नइ प्रकाशनं २०७९ सालया ‘नइ देरुनीख अन्तर्राष्ट्रिय सिरपाः’ आसामया नव सापकोटायात बीगु जूगु दु ।

नेपाली वाङ्मययात थकायेत सिर्जना व सङ्गठनमार्फत समर्पित जुयाः नेपाली भाषा साहित्यया अन्तर्राष्ट्रिय विस्तारय् मूवंगु योगदान ब्यूगु धासें सापकोटायात उगु सिरपाः बीत्यंगु खः । नई प्रकाशनं बियावःगु थुगु सिरपाःया राशी निगू लख तका दु ।

नइ प्रकाशनया कुलपति इन्दिरा प्रसाईया अध्यक्षताय् च्वंगु प्रकाशनया मुँज्यां थुगु निर्णय याःगु नइ प्रकाशनया सदस्य सचिव नरेन्द्रराज प्रसाईं धयादिल ।

थुगु हे मुँज्यां भारत दार्जिलिङया स्नेहलता राईयात ‘नइ गणेश दुर्गा अन्तर्राष्ट्रिय सिरपाः’ बीगु निर्णय नं याःगु दु । थुगु सिरपाः छगू लख तका राशीया खः ।

थ्व निगुलिं सिरपाः नेपाली भाषा साहित्य मार्फत अन्तर्राष्ट्रिय क्षेत्रय् ख्याति मुंकूपिंमध्ये विशिष्ठ नेपाली गोर्खाली मूलया विदेशी व्यक्तित्वयात दँय्दसं बियावःगु दु ।