गायक पुरु (पुरुषोत्तम) श्रेष्ठं हालादीगु म्ये ‘द्यंसा छ दंसा छ’ या फिमेल भर्सन सार्वजनिक जूगु दु ।

गायक श्रेष्ठं हालादीगु थुगु म्येया फिमेल भर्सन गायिका रन्जु श्रेष्ठया सलय् थौं पिदंगु खः ।

अडियो नेपाल युट्युब च्यानलमार्फत थौं थुगु म्ये सार्वजनिक जूगु खः । गायक श्रेष्ठया हे रचनायात संगीतकार शिव शाहिं लसय् चिनादीगु दु ।

छगू हे म्यूजिक ट्राएक खःसां गायक श्रेष्ठं हालातःगु ट्राएक स्वयां भचा भचा पाकाः संगीत संयोजन यानातःगु दु । संगीत संयोजन नं संगीतकार शाहिं हे यानादीगु खः ।

गायिका श्रेष्ठं हालादीगु थुगु म्येया छायाङ्कन व दृश्य सम्पादन बुद्ध सायमिं यानादीगु दु ।

म्यूजिक भिडियोस गायक श्रेष्ठं अभिनय यानादीगु दु ।