थः हे अबुयात स्याःगु द्वपनय् संखुवासभाय् छम्ह मिजंयात ज्वंगु दु । संखुवासभाया पाँचखपन नगरपालिका–२ गैरीगाँउयाम्ह २८ दँया सुमन राईयात सोमबाः प्रहरीं ज्वंगु खः ।

राईयात थः हे अबु ५० दँया युवराज राईयात स्याःगु द्वपं लाःगु दु ।

अनुसन्धानया झ्वलय् अबुकाय् दथुइ वादविवाद जूबलय् सुमनं तसकं दायाः घाःपाः जूम्ह युवराज वासः यायेगु झ्वलय् सीगु खनेदुगु प्रहरीं धाःगु दु ।

सुमनं दायेधुंकाः घाःपाः जूम्ह युवराजयात वासः यायेत स्वास्थ्य चौकी स्याबुन यंकूगु खः । अनं थप वासः यायेत जिल्ला अस्पताल खाँदबारी यंकूगुलिइ व हे अस्पतालय् वासः यायेगु झ्वलय् युवराज मदुगु खः ।

घटनाया सम्बन्धय् प्रहरीं अनुसन्धान यानाच्वनागु धाःगु दु ।