म्येहालामि राजेन्द्र सुवाल व विपना शाक्यया ज्वःम्ये ‘गन वने त्यना मयजु’ सार्वजनिक जूगु दु ।

अडियो नेपाल युट्युब च्यानलमार्फत शुक्रबाः थुगु म्ये सार्वजनिक जूगु खः ।

सुवालया व शाक्यया थुगु म्येयात ई. संजय शाक्यं च्वयेगुलिसें लसय् हनादीगु दु ।

म्येया म्यूजिक भिडियोलय् कलाकार शिवानी बज्राचार्य व राहुल बज्राचार्यं मुख्य कलाकारया रुपं अभिनय यानादीगु दु ।

लोकंह्वाःम्ह ख्यालि कलाकारलिसें निर्देशक सुरेन्द्र मानन्धरं निर्देशन यानादीगु म्ये बुंगमतिलिसें न्हूसतक, वसन्तपुर जःखः छायाङ्कन यानातःगु दु ।

कलाकार शिवानीया हे परिकल्पनाया निम्ह मतिनामिया बाखंयात म्येय् यइपुक न्ह्यब्वयातःगु दु ।

छायाङ्कन सुयोग सिंह व सविन महर्जनं यानादीगु खःसा दृश्य सम्पादन ईन्द्र मानन्धरं यानादीगु खः ।