नेपालया वाङमय क्षेत्रय् क्रियाशील संस्था ‘नइ प्रकाशनं’ प्यम्ह व्यक्तित्वयात २०७९ सालया ‘नइ सिरपाः’ बीगु जूगु दु ।

नई प्रकाशनं छगू विज्ञप्ति जारी यासें नेपाली कला, साहित्य थकायेत योगदान बियावःपिं प्यम्ह व्यक्तित्वयात सिरपाः बीत्यनागु धाःगु खः ।

नइ प्रकाशनया सदस्य सचिव नरेन्द्रराज प्रसाईया कथं समाजसेवा ख्यलय् समर्पित जुइगुयालिसें साहित्य, कला व संस्कृतिको संवर्ध्दनया लागिं क्रियाशील जुयावःगु धासें पूर्व मिस नेवाः नितु डङ्गोलयात २५द्वः तका राशि लिसेंया ‘नइ देरुनीख पौैरख सिरपाः’ बीगु जूगु दु ।

अथेहे, अभिनय, नाटक, सिर्जना व हास्यव्यंग्य क्षेत्रय् विशिष्ट योगदान ब्यूगु धासें शैलेन्द्र सिम्खडायात ६०द्वः तका राशि लिसेंया ‘नइ देरुनीख प्रदीप्ति सिरपाः’ बीत्यंगु दु ।

राजधानीं पिने च्वनाः नेपाली भाषा साहित्यया श्रीवृद्धिइ योगदान ब्यूगु धासें झापाया रीमा पाण्डे ‘मिनी’यात ५०द्वः तका राशिया ‘नइ बुलु शर्मा सिरपाः’ लःल्हाइगु जूगु दु ।

डा.साधना प्रतीक्षायात प्राध्यापन, अनुसन्धान व सिर्जनामार्फत नेपाली भाषा साहित्यया विकासय् च्वछायेबहःगु ज्या याःगु धासें ५०द्वः तका राशिया ‘नइ देरुनीख गौरव सिरपाः’ लःल्हायेगु निर्णय जूगु सदस्य सचिव प्रसाईं जानकारी बियादिल ।