राष्ट्रिय सभाया उपाध्यक्षय् एमालेया घिमिरे निर्वाचित
eBukhan – ईबुखँ डेस्क, २०८० चैत्र २८, बुधबार वर्गीकृत राजनीति
राष्ट्रिय सभाया उपाध्यक्ष पदय् नेकपा एमालेया विमला घिमिरे निर्वाचित जूगु दु ।
उपाध्यक्ष पदया लागिं जूगु निर्वाचनय् थः प्रतिद्वन्दी नेपाली कांग्रेसया विष्णुदेवी पुडासैनीयात ल्यूने लाकाः एमालेया घिमिरे उपाध्यक्ष पदय् निर्वाचित जूगु खः ।
बैठकय् उपस्थित ५५ सदस्यमध्ये घिमिरेया पक्षय् ३९ मत कुतुंवंगु खः । पुडासैनीया पक्षय् १६ मत लाःगु खः ।
राष्ट्रियसभाय् मुक्कं ५९सांसद दु ।
उपाध्यक्षय् निर्वाचित जूम्ह घिमिरेया कार्यकाल निदँ जक ल्यं दनि ।
निर्वतमान उपाध्यक्ष उर्मिला अर्यालं पदं राजीनामा बीधुंकाः उगु पदया लागिं थौं निर्वाचन जूगु खः ।
