चिकंया भाः थहांवन
eBukhan – ईबुखँ डेस्क, २०८१ माघ १८, शुक्रबार वर्गीकृत राष्ट्रिय

नेपाल आयल निगमं चिकंया भाः थकाःगु दु ।
निगमया कथं पेट्रोलय् नितका (२), डिजेल व मत्चिकनय् प्यतका (४) थहांवंगु दु ।
अथेहे, हवाई इन्धनया भाः नं आन्तरिकपाखे प्रतिलिटर खुतका (६) व अन्तर्राष्ट्रियपाखे येँया लागिं अमेरिकी डलर ४३ या दरं भाः थहांवंगु दु ।
एल.पी. ग्याँसया भाः धाःसा आःया नितिं यथावत हे दुगु निगमं धाःगु दु ।
निगमया कथं चिकंया थ्व न्हूगु भाः थौं चान्हसिया १२ताः इलंनिसें लागू जुइ ।
निगमं इन्डियन आयल कर्पोरेसनं पेट्रोल प्रतिलिटर १.५९ तका व डिजेलय् ३.५७ तका थकयाः चिकंया न्हूगु भाः थौं छ्वयाहःगु धाःगु दु ।
अथेहे, हवाई इन्धनय् नं ५.७० तकयाः छ्वयाहःगु निगमया धापू दु ।