यलय् निःशुल्क मधुमेह शिविर जुल
eBukhan – ईबुखँ डेस्क, २०८१ बैशाख ८, शनिबार वर्गीकृत समाज
यलय् निःशुक्ल मधुमेह जाँच शिविर (डायबिटिज स्क्रीनिङ क्याम्प) जूगु दु ।
लियो क्लब अफ मणिगल ग्लोबल व कुँझ्याः महिला सामुदायिक पुचःया मंकाः ग्वसालय् यलया स्वथ त्वालय् मधुमेह जाँच शिविर जूगु खः ।
शिविरय् ४९ मिसा व ६३ मिजंत यानाः मुक्कं ११२म्हेसिया जाँच जूगु लियो क्लब अफ मणिगल ग्लोबलया नायः लियो उत्सव आचार्यं धयादिल ।
आर्थिक, ईया व्यस्तता वा मेगु छुं नं हुनिं सुं नं स्वास्थ्य सेवां बञ्चित जुइम्वाःलेमा धकाः शिविरया ग्वसाः ग्वयागु नायः आचार्यं धयादिल ।
शिविरया ब्वतिमितयगु रक्तचाप व मधुमेह जाँच याःगु खः ।
चिरञ्जीवी भवः हेल्थ केयर सर्भिस प्रा.लि.या प्राविधिक ग्वहालिइ शिविरया ग्वसाः ग्वयागु कुँझ्याः महिला सामुदायिक पुचःया नायः जगतमाया महर्जनं जानकारी बियादिल ।
शिविरय् स्वथ टोल सुधार समितिया नायः सोभेन्द्र राज जोशी, लियो क्लब अफ मणिगल ग्लोबलया लियो क्लब सल्लाहकार लायन मन्दिप महर्जन, लियो जिल्ला परिषद ३२५ ई या लियो स्वदेश थापाया उपस्थिती दुगु खः ।
लिसें लायन्स क्लब अफ काठमाडौं विशाल बजारया नायः लायन सुमन बिष्ट, राजोपाध्याय समाजया केन्द्रीय कार्यसमिति दुजः रक्षण राजोपाध्याय लिसेंया नं उपस्थिती दुगु खः ।
