कपिलवस्तुया पूर्व पश्चिम राजमार्गअन्तर्गत शिवराज नगरपालिका १ सुरही खुसिइ जूगु बस दुर्घटनाय् मदुपिं झिम्हेसिगु हे सनाखत जूगु दु ।

दुर्घटनाय् सीपिं झिम्हलिसें घाःपाः जूपिं ३०म्हेसिगु नं म्हसीका सीदुगु दु ।

सीपिंमध्ये न्हयम्ह मिजं व स्वम्ह मिसात लाःगु दु ।

मदुपिंलय् रौतहट औराही–३ या ४६ दँया नारायण बहादुर भण्डारी, कालिजंग गण गोरुसिंगेय् ज्या यानाच्वंम्ह अर्जुनकुमार योगी, भारत उत्तर प्रदेशया सकिल मुसलमान, भीमदत्त नगरपालिका–१ कन्चनपुरया २७ दँया राहुलराम कामी, भीमदत्त–४ कन्चनपुरया २४ दँया उमेश भण्डारी लाःगु दु ।

अथे हे, भीमदत्त नगरपालिका–१६ कन्चनपुरया सन्जु थापा, भीमदत्तया हे बा¥हकुण्डया खगेश्वरी खाती, कन्चनपुर पुनर्वासया विमलादेवी भट्ट, भीमदत्त–२ या सुदीप भट्ट व भीमदत्त–९ या बिसनदत्त भट्ट नं दुर्घटनाय् मदुगु जिल्ला प्रहरी ज्याकू कपिलवस्तुया प्रमुख एसपी नवरत्न पौडेलं जानकारी बियादिल ।

महेन्द्रनगरं येँपाखे वयाच्वंगु सुनौलो महाकाली यातायातया सु–प–प्र–०२–००१ ख ००९८ नम्बरया यात्रुवाहक दुर्घटना जूबलय् झिम्ह सीगु खःसा ३० घाःपाः जूगु खः ।

यात्रुवाहक बस सडकं निसः मिटर क्वय् कुतुंवंगु खः ।