ख्वपया महाकालि नृत्य कला परिषदया ग्वसालय् ख्वपय् नेवाः होलि महोत्सव ज्याझ्वः जूगु दु ।

ज्याझ्वलय् नेवाः कलाकारिता ख्यःया आपालं कलाकःमि मुना थवंथवय् रंग इलाः होलिया भिन्तुना देछाःगु खः ।

उगु हे ज्याझ्वलय् निर्देेशक विश्वास बज्राचार्यया ‘बसन्तया बेला’ व निर्देशक बालमुकुन्द प्रजापतिया ‘दिलमाया’ बोलया निपु म्येया म्युजिक भिडियोया पितब्वज्या नं जूगु खः ।

वरिष्ठ कलाकार आशाकाजी थकुं निपुं म्यूजिक भिडियो पितब्वज्या यानादीगु खः ।

ज्याझ्वलय् वरिष्ठ सिने पत्रकार विजयरत्न असंबरे, संकिपाकःमि सुरेन्द्र तुलाधर, संगीतकार जुगल डंगोल, भक्तपुर लेडि जेसिजया पूर्व अध्यक्ष सबिका त्वायनाबासु, परिषदया प्रमूख सल्लाहकार ध्रुब नारायण श्रेष्ठलिसेंया उपस्थिती दुगु खः ।

ज्याझ्वलय् सरस्वति मानन्धर, कृष्ण महर्जन, नेवाः आइदल मन्जिल शाक्य, जयलक्ष्मी सिद्धि बज्राचार्य लगायतं म्ये हालाः न्यंकादीगु खः ।