हाम्रो नेपाली पार्टीपाखें बागमती प्रदेश सांसद शैलेन्द्र मान बज्राचार्य संस्कृति, पर्यटन तथा सहकारी मन्त्री नियुक्त जूगु दु ।

मुख्यमन्त्री शालिकराम जम्मकट्टेलं बज्राचार्ययात मन्त्री नियुक्त यासें मन्त्रिमण्डल विस्तार यानादीगु खः ।

हाम्रो नेपाली पार्टीया संसदीय दलया नेता बज्राचार्यं थौं हे मन्त्री पदया शपथ ग्रहण यानादीगु दु । बज्राचार्यं थःगु मांभाय् नेपालभाषां पद अले गोपनीयताया शपथ ग्रहण यानादीगु खः ।

विगतयागु नेपाली काँग्रेस नेतृत्वया सत्ता गठबन्धन क्वदलेधुंकाः वर्तमान सत्ता गठबन्धनय् हाम्रो नेपाली पार्टीया निर्णय हे निर्णायक जूवंगु खः ।

नेकपा माओवादी (केन्द्र), नेकपा (एमाले) र नेकपा (एस) स्वंगुलिं पार्टीयाके वागमती प्रदेशय् मुक्कं ५५ सिट दुगु खः ।

सरकार न्ह्याकेगु नितिं बहुमत थ्यंकेत ५६ सिट माःगु खः । राप्रपां स्वइतं नं समर्थन मयायेगु व नेमकिपां थः प्रतिपक्षय् च्वनेगु धायेधुंकाः छगू सिटया लागिं सत्ता गठबन्धन सकसय् लानाच्वंगु खः ।

थज्याःगु अवस्थाय् बागमति प्रदेशय् निगू सिट दुगु हाम्रो नेपाली पार्टीया निर्णय निर्णायक जूवंगु खः ।

प्रदेश सरकारय् मुख्यमन्त्री हे दावी यानावःगु हाम्रो नेपाली पार्टीं आः वयाः सरकारयात समर्थन यासें सरकारय् दुहांवंगु खः ।