‘अयलाःको शितल नसा’ या म्यूजिक भिडियो सार्वजनिकः भिडियोलिसें
eBukhan – ईबुखँ इन्टरटेनमेन्ट डेस्क, २०८० चैत्र ६, मंगलबार वर्गीकृत मनोरञ्जन
पुरुषोत्तम श्रेष्ठ व संगीता दाहालं हालातःगु ज्वःम्ये ‘अयलाःको शितल नसा’ या म्यूजिक भिडियो सार्वजनिक जूगु दु ।
संगीतकःमि बुद्ध सायमिया युट्युब च्यानल अडियो नेपालमार्फत उगु म्यूजिक भिडियो सार्वजनिक जूगु खः ।
म्ये सार्वजनिक जूगुलिसें म्येहालामि पुरुषोत्तम श्रेष्ठं ईबुखँलिसे खँ ल्हासें थःगु न्हापांगु म्यूजिक भिडियो सार्वजनिक जूगुलिइ थः तसकं लयताःगु धयादिल ।
‘सोंखय् भचा भचा म्ये हालाच्वनेगु खः, थ्व हे झ्वलय् बुद्ध दाई नापलात व थ्व म्ये नं हालेखन । आः थ्व म्ये म्यूजिक भिडियोया रुपं वःबलय् तसकं लयताः’ म्येहालामि श्रेष्ठं धयादिल ।
नेपाली म्ये व संगीतयात मतिना यानाः म्ये स्वयाबीत व थःत ताःगु सल्लाह सुझाव बियादीत नं म्येहालामि श्रेष्ठं स्वकुमि, न्यनामितयत इनाप यानादिल ।
बुध्द सायमिं हे लसय् हनादीगु म्यूजिक भिडियोया परिकल्पना, छायाङ्कन दृश्य सम्पादन व निर्देशन नं सायमिं हे यानादीगु दु ।
न्हूपिं प्रतिभा पिब्वयेगु हे थःगु आज्जु खःगु संगीतकःमि सायमिं धयादिल ।
‘थ्व हे संगीत ख्यलय् दशकौं बीधुन । न्हूपिं प्रतिभायात प्ल्याटफर्म विकास याये, उमित नं न्ह्यःने वयेगु ह्वःता दयेमा धकाः हे कुतः यानाच्वनागु दु । व हे कुतःया झ्वलय् थ्व म्ये नं वःगु दु’ संगीतकःमि सायमिं धयादिल ।
म्येग्वः त्रिविक्रम पौडेलं च्वयादीगु दु ।
म्यूजिक भिडियोलय् मोडलद्वय किरण जोशी व सरीता श्रेष्ठ थापालिसें नं अभिनय यानादीगु दुसा कोरीयोग्राफी नं मोडल जोशीं हे यानादीगु दु ।