नेकपा एमाले येँं महानगरपालिका १६ वडा कमिटीया नायः पदय् जय प्रकाश श्रेष्ठ निर्वाचित जूगु दु ।

कमिटीया येँय् क्वचाःगु ११क्वःगु अधिवेशनं श्रेष्ठया नेतृत्वय् ४४ दुजःया कमिटी सर्वसम्मत चयन याःगु खः ।

नायः पदय् निर्वाचित जुइधुंकाः श्रेष्ठं थःगु जिम्मेवारीइ दत्तचित्त जुयाः न्ह्याःवनेगु धयादिल ।

अधिवेशनं कमिटीया न्वकू पदय् सुनिल के.सी., छ्यान्जेय् रणेन्द्र महत, ल्यू छ्यान्जेय् समीर भण्डारी व लुना श्रेष्ठ चयन जूगु दु ।

थ्वयां न्ह्यः अधिवेशनया उद्घाटन सत्रय् नेकपा एमाले स्थायी कमिटी दुजः रघुजी पन्तं संगठन बल्लाकेत सकलें छधी जुयाः न्ह्याःवनेत निर्देशन बियादीगु खः ।

कमिटीया साविक नायः पुष्प महर्जनं व्यक्ति स्वयां संस्थायात प्राथमिकताय् तयाः संगठन न्ह्याकेत छ्याता बियादिल ।

ज्याझ्वलय् पार्टीया पोलिटब्यूरो दुजःद्वय आनन्द पोखरेल व रामेश्वर फुयाँलया नं उपस्थिती दुगु खः ।