निर्देशक बासु शाहीया न्हूगु संकिपा ‘जुजु’ या शुभमूहुर्त वंगु  शुक्रबाः जूगु दु । ख्वपय् छगू ज्याझ्वः यासें संकिपाया शुभ मूहुर्त याःगु खः ।

ज्याझ्वलय् राष्ट्रिय प्रजातन्त्र पार्टीया केन्द्रीय सहायक महामन्त्री रविन्द्र प्रताप शाहं क्लायप बियादिलसा वरिष्ठ सिने पत्रकार विजयरत्न असंबरें नैंक्या तछ्यानादिल ।

अथेहे नेवाः एच डि टिभिया कजि नविन जोशीं क्यामेराया स्वीच अन यानादिलसा कलाकार हरि घेमोसुं अभिनय न्ह्यब्वयाः संकिपाया शुभ मूहुर्त याःगु खः ।

उगु हे ज्याझ्वलय् चिहा संकिपा ‘क्षमा’ व ‘म्हिगः म्हिता’ म्युजिक भिडियो पितब्वज्या नं जूगु खः ।

निर्देशक राजेश गोसाईँ निर्देशन यानादीगु व रेणु सुवालं च्वयादीगु क्षमा संकिपाया छायाङ्कन व दृश्य सम्पादन बालकुमार मगरं यानादीगु खः ।

थुकी हरि घेमोसु, सुजना बज्राचार्य, सिर्जना प्रजापति, विक्रम खडगी लगायतं अभिनय यानादीगु दु ।

व हे कथं मदुम्ह गायक स्वयम्भु राज शाक्यं हालातःगु म्ये ‘म्हिगः म्हिता’या निर्देशन बासु शाहीं यानादीगु दुसा विशु शाहीं छायाङ्कन व दृश्य सम्पादन विवेक घेमोसुं यानादीगु दु ।