बाखं साहित्य ख्यलय् नांजाम्ह केशरमान ताम्राकारं च्वयादीगु “चिपगु नीलः” बाखनय् संकिपा पिदनीगु जूगु दु ।

“शहिद”, “आजु द्यः बाघ भैरब”, “ध्वः छध्वः रेखाया” लगायत थीथी चिसंकिपा कासाय् आपालं सिरपा त्याकेत ताःलाम्ह निर्देशक योबन शाक्यया निर्देशनय् चिपगु नीलः संकिपा दयेकेत्यंगु खः ।

थुगु चिसंकिपाया निर्माणया सकतां ज्या क्वचायेधुंकूगु व याकनं हे छगू ज्याझ्वः यानाः प्रिमियर जुइगु निर्देशक शाक्यं जानकारी बियादिल ।

थुगु चिसंकिपाय् सालुगु गाचा, अयलाः लूवया व माया मदुला थेंजाःगु ल्वकंह्वाःगु म्युजिक भिडियोया जोडि मनोज महर्जन व नेरिसा महर्जनयात मू भूमिकाय् स्वयेदइगु जूगु दु ।

लिसें नबिन थेच्वमि, गंगा महर्जन, सुनिता श्रेष्ठ, सलिना महर्जन, चिरिबाबु महर्जन, हसना महर्जन व बाल कलाकार ओस्मी रन्जितकारया अभिनय नं स्वयेदइ ।

संकिपाया पटकथा नं निर्देशक शाक्यं हे च्वयादीगु दुसासम्बाद लेखन उमेश स्थापितं यानादीगु दु ।

संकिपाय् संगीत यचु शाक्यं बियादीगु दुसा कला निर्देशक राज्यलक्ष्मी महर्जन, किपालुमि रकि महर्जन खः ।