कर्मा व मनोजलिसे रामकृष्णया बाछै बाजं
eBukhan – विजयरत्न, २०८३ मङ्सिर ५, शुक्रबार वर्गीकृत मनोरञ्जन
नेपालभाषा ख्यःया नांजाःम्ह निर्देशकलिसें म्येहालामि संगीतकार रामकृष्ण खड्गीया न्हूगु म्ये बाछै बाज पिदंगु दु ।
हेलो कृष्ण, हुकां दः, ल्वापु जुइ जिमिथाय् छेँय् थुज्वःगु लोकंह्वाःगु म्येत हालादीम्ह दयेकादीम्ह खड्गीया थुगु न्हूगु म्ये पिदंगु खः ।
ताः ई लिपा गायकया रुपं संगीत ख्यलय् कम ब्याक यानादीम्ह खड्गीयात थुगु ज्वःम्येय् गायिका सदिच्छा कट्टेलं साथ बियादीगु दु ।
थुगु म्येया म्यूजिक भिडियोलय् नेपाली संकिपा ख्यःया नांजाःम्ह हिरो कर्मा शाक्य, थौंकन्हय् लोकंह्वानाच्वंम्ह व व्यस्तम्ह मोडल कलाकार मनोज महर्जनलिसें सृष्टि महर्जन, श्रुति महर्जनं अभिनय यानादीगु दु ।
म्येहालामि खडगीया हे निर्देशनय् तयार जूगु थ्व भिडियोया छायाङ्कन उत्सव दाहालं व दृश्य सम्पादन मित्र डि गुरुङं यानादीगु खः ।
म्येया म्येग्वः लिसें संगीत नं खडगीयागु हे खः ।
थुगु म्यूजिक भिडियो हाइटेक इन्टरटेनमेन्ट युट्युब च्यानलपाखें सार्वजनिक जुइधुंकूगु दु ।




