निउ स्कुटरं हल किस्ताबन्दी योजना
eBukhan – ईबुखँ डेस्क, २०८० पौष २९, आइतबार वर्गीकृत अर्थ
इलेक्ट्रीक स्कुटर निउं किस्ताबन्दी योजना सार्वजनिक याःगु दु । २० प्रतिशत डाउन पेमेन्टय् न्याद्वः सिबें कम ईएमआईया कम्पनीं किस्ताबन्दी कार्यक्रम बजारय् हःगु खः।
नेपाःया नितिं निउ इलेक्ट्रीक स्कूटरया आधिकारिक वितरक जियांसु निउ इलेक्ट्रीक टेकनोलोजि कम्पनी लिमिटेडं मध्यमवर्गीय परीवारं नं किस्ताबन्दी अःपुक स्कूटर न्याये फइगु योजना हयागु धाःगु दु। कम्पनीया कथं क्रेडिट कार्ड मदुसां २० प्रतिशत डाउनपेमेन्टय् किस्ताबन्दीइ स्कूटर न्यायेफइ ।
अथेहे लच्छिया तलब १० हजारं म्ह्वः दुपिंस नं म्ह्वतिइ लय् न्याद्वः तका सिबें म्ह्वः किस्ता पूसा गाइ। किस्ताबन्दीया नितिं माःगु फुक्कं प्रक्रिया निन्हुं हे पूवनीगु नं कम्पनीया धापू दु।
नेपालय् निउ स्कूटरया प्यंगू मोडल उपलब्ध दु । एमक्यूआई प्लस स्पोर्ट्स व यूक्यूआइ जिटिया मू २ लाख ७६द्वः तका दु । अथेहे गोभा जि ३ यागु मू २ लाख ७७द्वः व एनक्युआई स्पोर्ट्सयागु भाः ३ लाख ४८द्वः तका दु ।
थुकिया दथुइ येँया नितिं निउ स्कूटरया विक्रेता स्वनिगः अटो प्रा.लिं कम्पनीं लागू याःगु किस्ताबन्दी योजनालिसें थप सुविधा नापं बियाच्वनागु धाःगु दु । स्वनिगः अटोया संचालक दुजः दिपक तुलाधरं त्यःरय् स्वनिगःयागु शोरुमं निउ स्कूटर नगद खरीद यायेबलय् विशेष छ्यापं लिसें थीथी सिरपात नं बीगु धयादिल ।
कम्पनीं हःगु किस्ताबन्दी योजना स्वनिगः अटोलय् उपलब्ध दुगु तुलाधरं धयादिल।