नेकपा (एस) १६ वडां यात भिन्तुना कालबिल ज्याझ्वः
eBukhan – बिराज, २०८१ आश्विन २२, मंगलबार वर्गीकृत राजनीति

नेकपा (एकिकृत समाजवादी) १६ वडा कमिटीया ग्वसालय् मोहनिया भिंतुना कालबिल ज्याझ्वः क्वचाःगु दु ।
कमिटीं वंगु शनिबाः येँया नयाँ बजारय् मोहनि नखःया भिन्तुना कालबिल ज्याझ्वः याःगु खः ।
ज्याझ्वलय् येँ महानगरपालिका २३ वडां ग्वसाः ग्वःगु प्रयागराज सिंह लुमन्ति फुटसलया त्याकामि १६ वडाया टोलीयात हंगु खः ।
ज्याझ्वलय् न्ववासें नेकपा (एस) १६ वडा कमिटीया नायः लक्ष्मण गमालं खुसिबाः, चलः, डुबानय् लानाः जूगु धनजनया क्षतिप्रति दुःख प्वंकादिल ।
‘छखे, छुं दिं न्ह्यः खुसिबाः, चलःया हुनिं कःगु दुःख, मेखे मोहनि थुज्वःगु उल्लासमय नखः वयाच्वंगु दु । दुःखकष्ट, समस्यालिसे ल्वाल्वां पंगः, समस्यायात बुकाछ्वयेगु हे ला जीवन खः’ गमालं धयादिल ।
ज्याझ्वलय् नेकपा (एस) या उपमहासचिवलिसें पूर्वमन्त्री गंगालाल तुलाधर, वागमती प्रदेश सांसद वसन्त मानन्धरलिसेंया उपस्थिती दुगु खः ।