नेपालभाषा मंकाः खलः यलया नायः पदय् महेन्द्रलाल महर्जन निर्वाचित जूगु दु ।

म्हिगः (शनिबाः) जूगु मतदानय् थः प्रतिद्वन्दी बाबुराजा महर्जनयात स्वकू मतं ल्यूने लाकाः महेन्द्रलाल मंकाः खलः यलया न्हूम्ह नायः निर्वाचित जुइत सफल जूगु खः ।

तसकं प्रतिस्पर्धी खनेदुगु मतदानय् महेन्द्रलालं ३७६ मत हयेत ताःलाःगु खःसा वयकःया प्रतिद्वन्दी बाबुराजा महर्जनया ३७३ मत वःगु खः ।

मंकाः खलः यलया १४क्वःगु तःमुँज्यां मिसा दुजलय् ४५८ मतलिसें फरिन्दा महर्जन व ४०९ मतलिसें रमना महर्जन बज्राचार्य निर्वाचित जूगु दु ।

मिसा दुजः पदया मेपिं निम्ह उम्मेदवार नानीहेरा शाक्यया ३०९ व मन्जु बज्राचार्यया ३२० मत वल ।

दुजलय् विनोद महर्जन (४४३ मत), प्रेम महर्जन (चिरि) (३९५ मत), राजेन्द्र महर्जन (३८९), राजु ताम्रकार (३९३), रविन्द्र बाराही (३७९), न्हुछेँमान महर्जन (कपुर) (३८४), उकुलाल महर्जन (४१७), बेखारत्न महर्जन (४२५) व प्रविण महर्जन (३९२) निर्वाचित जुल ।

मतदानय् मुक्कं ७८.४५ प्रतिशत मतदान जूगु निर्वाचन मण्डलया दुजः सुरजबीर बज्राचार्यं जानकारी बियादिल । मुक्कं द्वःछि २४४ मतदाता दुगुलिइ ९७६ मत कुतुंवंगु खः ।