ख्वपया ब्यासीया खजुरीको मार्टया निदँ पूवन
eBukhan – ईबुखँ डेस्क, २०८० माघ २८, आइतबार वर्गीकृत अर्थ
ख्वपया ब्यासीस्थित खजुरीको मार्टया निदँ पूवंगु दु ।
वंगु शनिबाः उगु मार्ट मेलाया हे रुपय् ह्यूगु खः । शनिबाः मार्टया लू स्वयेबलय् तःधंगु हे व्यापारिक मेला स्वयां म्ह्वः खनेमदु ।
थःगु निदँ पूवंगु लसता लाकाः शनिबाः मार्टय् उपलब्ध सामग्रीइ छ्यापं लिसें उपहारया नं व्यवस्था याःगु खः । लिसें थीथी ब्रान्डया चिया व चाउचाउया स्टलय् मार्टय् थ्यंपिं ग्राहकतयत निःशुल्क चिया त्वंकेगु लिसें चाउचाउ नकूगु खः ।
मार्टया निक्वःगु एनिभर्सरीया झ्वलय् ब्यूगु छ्यापं लिसें प्याकेजया लबः कायेगु नितिं ग्राहकतयगु तःधंगु हे भीड मुंगु खः ।
इजरायलय् झिदँ च्वनेधुंकाः नेपाल लिहांवःम्ह ब्यासीयाम्ह नरेश श्रेष्ठं निदँ न्ह्यः ब्यासीइ खजुरीको मार्ट न्ह्याकूगु खः । व इलय् करीब ५० लख तकाया लगानीइ न्ह्याकूगु थुगु मार्टय् थीथी दैनिक उपभोग्य सामग्रीत उपलब्ध दु ।
आः छुं सामग्री थप यासें ग्राहकवर्गयात थप सुविधा बीगु योजनाय् थः दुगु खजुरीको मार्ट ब्यासीया संचालक नरेशं धयादिल ।