वंगु फागुन २१ गते क्वचाःगु प्रतिनिधि सभा सदस्य निर्वाचनय् समानुपातिकपाखें सांसद मनोनित जूम्ह ई. कुलभक्त शाक्ययात ख्येँय् सगं बियाः भिन्तुना देछाःगु दु ।

लगं बाहाःया कायमचा ई. शाक्ययात नेपाल परम्परागत बौद्ध धर्म संघ, कान्तिपुर शाखां ख्येँय् सगं बियाः भिन्तुना देछाःगु खः ।

गुणाकर महाबिहार, छुस्याबहाः, ज्याठाय् जूगु ज्याझ्वलय् सांसद शाक्यलिसें वयकःया जहानयात नेपाल बज्रयान महाबिहार लुम्बिनीया चक्रेश्रर नरेशमान बज्राचार्य व श्रद्धेय मञ्जुश्रीरत्न बज्राचार्यं खादां न्ययेकाः धौसगंलिसें ख्येँसगं ब्यूगु खः ।

उगु इलय् सकल गुरुजुपिन्सं स्वस्ति वाक्य पाठ याःगु खः ।

ज्याझ्वलय् १८ महाविहार, १६ बहि, शाक्य महाविहार संंघ, बज्राचार्य संरक्षण गुथि, बज्राचार्य अध्ययान मण्डलया प्रतिनिधिलिसें नेपाल परम्परागत बौद्ध धर्म संघ येँ, ख्वप, थिमि, किपूया दुजःत व थीथी संघसंस्थाया प्रतिनिधितय् उपस्थिती दुगु खः ।

चक्रेश्वर बज्राचार्य, सांसद ई. शाक्य, शाखाया नायः राजगुरुजु मञ्जुश्री रत्न बज्राचार्यलिसें न थःथःगु नुग खँ तयादीखु खः ।