थिमिइ अवैध लागू वासःलिसें प्यम्हेसित प्रहरीं ज्वंगु दु ।

मध्यपुर थिमि नगरपालिका–४ न्हू थिमिं अवैध लागू वासः सियूगु हेरोइन ९३ ग्रामलिसें प्यम्हेसित प्रहरीं वंगु शनिबाः ज्वंगु खः ।

प्रहरीं धनुषा कमला नगरपालिका–७ या ३०दँया सुनिल पासवान, २०दँया अमिन्दर पासवान, मध्यपुर थिमि नगरपालिका–४ याम्ह ३६दँया डिकेन्द्र भट्टराई व ३१दँया राम तामाङयात ज्वंगु खः ।

उमित लागूऔषध नियन्त्रण व्यूरो कोटेश्वरं खटे जूगु प्रहरीया टोलीं ज्वंगु खः ।

उमिसं ताः ई न्ह्यःनिसें भारतं लागू वासः हयाः अवैध करोबार यायेगु यानाच्वंगु सीदुगु प्रहरीं धाःगु दु । थ्व सम्बन्धय् आवश्यक अनुसन्धान यानाच्वनागु प्रहरीं धाःगु दु ।