हलिं नेवाः गुथि मू ज्यासना पुचःया न्हूधाः जूगु दु । सुरेश सैंजुया नेतृत्वय् गुथिया मू ज्यासना पुचःया न्हूधाः याःगु खः ।

येँय् जूगु गुथिया झिंखुक्वःगु तःमुँज्यां सैंजुया अध्यक्षताय् झिंछम्ह दुजःया न्हूगु ज्यासना पुचः सर्वसम्मत ल्यःगु खः ।

अधिवक्ता भाजु नरेश श्रेष्ठया कजिसुइ दयेकूगु निर्वाचन मण्डलं निर्वाचन प्रकृया पूवंकाः गुथिया न्हूगु ज्यासना पुचः सर्वसम्मत निर्वाचित जूगु घोषाा याःगु खः ।

झिंछम्ह दुजःया ज्यासना पुचः ल्ययेमाःगुलिइ झिन्याम्हेसिया नां दुतिंगु खःसा लिपा प्यम्हेसिनं नां लितकायेधुंकाः न्हूगु ज्यासना पुचः सर्वसम्मत निर्वाचित जूगु खः ।

न्हूगु ज्यासना पुचलय् मून्वकूया भाला अमर काजि श्रेष्ठयात ब्यूगु दुसा मू छ्यान्जे पदय् धर्म नारायण महर्जन च्वनादीगु दु । अथेहे, मु दांभरिं पदय् सूर्य लक्ष्मी महर्जनयात ल्यःगु दु ।

मूदुजलय् सुवर्ण मानन्धर, डा. रसिला अमात्य,, तुल्सी नारायण श्रेष्ठ, राम कृष्ण महर्जन, दिपक मुल्मी, विणु कर्माचार्य व ममता शाक्य च्वनादीगु दु ।