म्येहालामि सरीता महर्जनया स्वपु म्येया म्यूजिक भिडियो छक्वलं सार्वजनिक जूगु दु ।

किपुलिइ जूगु छगू ज्याझ्वलय् समाजसेवी म्येहालामि महर्जनया नेपालभाषाया स्वपु म्येया म्यूजिक भिडियो सार्वजनिक जूगु खः ।

वरिष्ठ कलाकार ख्यालिजुजु मदनकृष्ण श्रेष्ठं उगु स्वपु म्येया म्यूजिक भिडियो सार्वजनिक यानादिल ।

ज्याझ्वलय् नांजाःम्ह हिरो धीरेन शाक्यलिसें, हिरोइन भिन्तुना जोशी व ‘बेमान’ नामं नांजाःम्ह ख्यालि कलाकार रवि डंगोल अभिनित ‘पुलुक्क स्वइम्ह’, ‘मिखा मिखाया खँल्हाबल्हा’, ‘जुल रे जुल’ म्येया म्यूजिक भिडियो सार्वजनिक जूगु खः ।

व हे ज्याझ्वलय् म्येहालामि महर्जनं हालादीगु नेपाली म्ये ‘भेट भयो’ व के.बि.एस लुभु प्रोडक्शनया ब्यानरय् दयेकातःगु म्यूजिक भिडियोत नं क्यंगु खः ।

लिसें म्येहालामि समाजसेवी महर्जनया बुदिं नं हंगु खः ।

ज्याझ्वलय् वरिष्ठ निर्देशकलिसें कलाविद् प्रकाश सायमि, वरिष्ठ सिने पत्रकार विजयरत्न असंबरे, वरिष्ठ म्येहालामि, संगीतकार रत्न बेहोशीया नं उपस्थिति दुगु खः ।