नेपाली संकिपा ख्यःया नांजाःम्ह नायिका रेखा थापां शुक्रबाः थः न्हापांम्ह सन्तानया रुपं म्ह्याय् बुइकूगु दु ।

अमेरिकाय् म्ह्याययात जन्म बीधुंकाः सामाजिक संजालय् म्ह्यायया किपा पोस्ट यासें थापां थः म्ह्याय् बूगु खबर सार्वजनिक यानादीगु खः ।

“स्व, सर्गतय् हाकुगु सुपाँय् जःखः वहःया चाः दु, स्व धर्तीइ छ जन्म जुइगुया महान कारण दु’ म्ह्यायया किपा लिसें थापां सामाजिक संजालय् स्टाटस च्वयादीगु दु ।

रेखां थः म्ह्यायया नां नं तयादीधुंकूगु दु । रेखां थः म्ह्यायया नां वैभवी राज्यलक्ष्मी शाह तयादीगु खः ।

आः रेखा व वैभवीया उसाँय् अवस्था बांलाः हे दुगु धाःगु दु । रेखाया जहान बलराम शाही ठकुरीं आः अमेरिकाय् थः जहान रेखा व म्ह्यायया सुसाःकुसाः यानाच्वनादीगु दु ।