भजन शिराेमणि भक्तराज मन्त
eBukhan – ईबुखँ डेस्क, २०८० फाल्गुण १५, मंगलबार वर्गीकृत मनोरञ्जन
नेपाली संगीत ख्यलय् भजन शिरोमणि नामं म्हस्यूम्ह म्येहालामि, संगीतकार भक्तराज आचार्य मन्त । ताः ईनिसें म्येया क्यान्सरलिसे ल्वानाच्वंम्ह भजन शिरोमणि आचार्य सोमबाः ८२ दँया उमेरय् मदुगु खः ।
स्वास्थ्यय् समस्या खनेदयेधुंकाः वय्कःयात वासः यायेत मेडिसिटी अस्पताल यंकाच्वंबलय् अस्पताल थ्यनेमलावं लँय् हे वय्कः मदुगु धाःगु दु ।
म्येहालामि संगीतकार आचार्यं नेपाली संगीत जगतयात मुटु जलिरहेछ, जति चोट दिन्छौ देउ मायालु, हजार आँखा हेर्ने मेरी मायालुलाई लिसें तःपु नांजाःगु आधुनिक म्येत बियादीगु दु ।
नापं एकदिन मैले प्रभुसँग सोधें, तन मन वचनले, सब निदाए प्रभु लिसेंया नांजाःगु भजन नं वय्कलं हालादीगु दु ।
वि.सं. १९९९ असोज १६ गते अबु बलभद्र व मां रेनुकाया क्वखं जन्म जूम्ह वय्कःया निम्ह काय् सत्यराज व स्वरुप राज नं थौंकन्हयया नांजाःपिं म्येहालामि खः ।
वय्कःया जीवनिइ आधारित संकिपा ‘आचार्य’ नं निर्माण जूगु दु । उगु संकिपाय् भक्तराजया भूमिकाय् वय्कःया काय् सत्यराजं अभिनय यानादीगु दु ।
