शाक्य महाविहार संघपाखें कुमारी, गणेश व भैरव पूजा शाक्य महाविहार संघपाखें जिवित कुमारी , गणेश व भैलः द्यःया पुजा सम्पन्न याःगु दु ।

न्हूम्ह कुमारी ल्ययेगु ज्याय् थःगु सफल भूमिका वहन धुंकाः संघया जःपिं मुना वसन्तपुरस्थित कुमारी छेँँय् वनां न्हूम्ह कुमारीया पूजा थौं बुधबाः याःगु खः ।

कुमारी माजुयात आसनय् हे विराजमान याकाः मरीचरी, फलफुल सम्हय् ब्वः लगायत छानां पूजा याःगु खः ।

श्री कुमारीयात संघया आनन्द रत्न शाक्यं बज्रयानी बिधिकथं पूजा यानादीगु खः ।

संघं थौं हे जीवित देवपिं भैरव व गणेशयात नं वसपोलपिं विराजमान जुयाच्वनाबिज्याःगु छेँय् हे वनां पूजा याःगु दु ।

वर्तमान इलय् गणेश, भैरव व कुमारी ल्ययेगु नितिं माःकथंया वातावरण तयार यायगु ज्या संघं न्ह्याकावयागु धाःगु दु ।

संघं लायकू कुमारी जुइ योग्यपिं बहाःया कुलपुत्रीपिं मालेगु ज्याय् नं जिम्मेवारी बहन यानावःगु दु ।