नेपालभाषा वाङ्गमय, संगीत व विज्ञान ख्यःया प्रतिष्ठित सिरपाः दान्यहिरा सिरपाया साहित्य विधाय् थुगुसिइ नांजाःम्ह साहित्यकार राजा शाक्ययात लःल्हाइगु जूगु दु ।

एकेडेमीया दान्यहिरा क्वछिना कवःया शनिवार च्वंगु मुंज्यां शाक्ययात सिरपाः बीगु खँ क्वछ्यूगु खः ।

उगु हे मुंज्यां थुगुसीया संगीत विधाया सिरपाः नेपाःया नांजाम्ह म्येहालामि मीरा राणायात लःल्हायेु क्वःछ्यूगु दु ।

अथेहे, विज्ञान प्रविधि विधाय् बाल सुन्दर मल्लयात सिरपालं छायेपीगु जूगु दु ।

थुगु सिरपाःया राशी ५०द्वः/५०द्वः तकाया खः ।

थुगु सिरपाःया दाता थौंकन्हय् नेपालभाषा एकेडेमीया चान्सलर यज्ञरत्न धाख्वाः खः ।

एकेदेमिया चान्सलरलिसें सिरपाःया दाता धाख्वालं नीस्वनादीगु कोषं नेपालभाषा एकेडेमिं दँयदसं थुगु सिरपाः लःल्हानावःगु दु ।