वरिष्ठ निर्देशक, कलाकार व रचनाकार पवन जोशीया सम्मान ज्याझ्वः जूगु दु । जोशीया रचनाय् सच्छिपु म्ये रेकर्डिङ जूगु लसताय् वय्कःयात सम्मान याःगु खः ।

लहना मिडियां ‘पवन जोशी सन्ध्या ११४४’ ज्याझ्वःया ग्वसाः ग्वसें जोशीयात सम्मान याःगु खः ।

ज्याझ्वलय् जोशीयात लहना मिडियाया नायः नृपेन्द्रलाल श्रेष्ठं दोसल्लां न्ययेकादिल सा वागमति प्रदेशया श्रम, रोजगार तथा यातायात मन्त्री प्रेमभक्त महर्जनं हनापौ लःल्हानादिल ।

ज्याझ्वलय् वरिष्ठ सिने पत्रकार विजयरत्न असंबरे, नेवाः पत्रकार राष्ट्रिय दबूया वरिष्ठ न्वकू सुनिल महर्जन, नेपाल चलचित्र पत्रकार संघया नायः समीर बलामी, येँ महानगरपालिका १८ वडाया वडाध्यक्ष न्हुच्छेकाजी महर्जनलिसें कला क्षेत्रय् जोशीया योगदान व निरन्तर सक्रियताया विषयस च्वछासें थःथःगु नुगःखँ तयादीगु खः ।

ज्याझ्वलय् थीथी गायक गायिकापिन्सं जोशीया रचनाय् म्ये हालाः न्ह्यब्वयादीगु खः । अथेहे, थीथी कलाकारपिन्सं जोशीया रचनाय् रेकर्ड जूगु म्येय् हुलाप्याखं नं न्ह्यब्वयादीगु खः ।

पूवंक जानकारी स्वयेत क्वय् बियागु लिंकय् क्लिक यानादिसँ । 

;