आइतबाः क्वचाःगु उप निर्वाचनया झ्वलय् कीर्तिपुर नगरपालिका १ व ४ निगुलिं वडाय् नेपाली कांग्रेस हे त्याःगु दु ।

कीर्तिपुर १ वडाय् नेपाली कांग्रेसया उम्मेदवार इच्छा कुमार महर्जन त्याःगु दुसा ४ य् कांग्रेसया हे राजेन्द्र बानियाँ त्याःगु दु ।

कीर्तिपुर नगरपालिका वडा ४य् नेपाली कांग्रेसका बानियाँ ७४२ मत हयाः निर्वाचित जूगु खः ।

उगु वडाय् स्वतन्त्र उम्मेदवार पविता खड्का (अधिकारी) या २४७ मत वल सा नेकपा माओवादी (केन्द्र) या उम्मेदवार नारायण विष्टयात २८७ मत प्राप्त जुल ।

२०७९ सालया स्थानीय तहको निर्वाचनय् थुगु वडाय् त्याःम्ह स्वतन्त्र उम्मेदवार श्यामकुमार अधिकारी दुर्घटनाय् लानाः २०८० बैसाख १० गते आइतबाः मदयेधुंकाः थन उप निर्वाचन जूगु खः ।

व हे कथं कीर्तिपुर नगरपालिकाय् १ वडाय् निर्वाचित नेपाली काग्रेसया महर्जनं ५६२ मत हलसा वयकःया सतीम्ह प्रतिद्वन्दी नेकपा (एमाले) का हर्ष महर्जनयात ४९८ मत चूलात ।

अन नेकपा माओवादी (केन्द्र) या उम्मेदवार सरल गोपाल महर्जन १७३ मत हयाः स्वंगूगु थासय् लात ।

२०७९ सालया स्थानीय तहया निर्वाचनय् थुगु वडां त्याम्ह नेपाली कांग्रेसया हिरालाल महर्जन क्यान्सर ल्वयया हुनिं २०८० फागुन २३ गते मदयेधुंकाः थन उप निर्वाचन जूगु खः ।