थौंकन्हय् ल्वकं ह्वानाच्वंगु म्ये ‘माखायात ग्वंगः माः’ या म्यूजिक भिडियोया युट्युबय् १० लाख भ्यूज थ्यंगु लसता हंगु दु ।

म्येहालामिपिं कृष्णभक्त महर्जन व बानिका प्रधानं हालादीगु थुगु ज्वःम्येया १० लाख भ्यूजया लसता यल हरसिद्धिइ छगू ज्याझ्वः यासें हंगु खः ।

ज्याझ्वलय् म्ये व म्यूजिक भिडियोया कलाकार, प्राविधिकत मुनाः केक ताःगु खः ।

ज्याझ्वलय् न्ववासें म्येया संगीत संयोजक हरिशरण सायमिं निवाः दुने हे १० लाख भ्यूज थ्यंगुलिइ सकल स्वकुमि व पत्रकारतयत नं सुभाय् देछानादिल ।

वरिष्ठ सिने पत्रकार विजयरत्न तुलाधर, पत्रकारद्वय दर्शनबीर शाक्य, बिराजकाजी राजोपाध्यायं लिपांगु इलय् नेपालभाषाया म्येत सामाजिक संजालय् ल्वकं ह्वानाच्वंगु धासें लसता प्वंकादिल ।

कलाकारलिसें संचारकर्मीद्वय रामकृष्ण खड्गी व स्वतन्त्र महर्जनं म्ये व म्यूजिक भिडियो टीमयात भिुंतना देछासें म्ये नं हालाः न्ह्यब्वयादीगु खः ।

ज्याझ्वःया भिडियाे स्वयेत थन क्लिक यानादिसँ