Apexcoder  tech

नेवाः व नेपाःया इतिहास कुलाः बौद्धिक सहलह क्वचाल

eBukhan – बिजयरत्न,    २०८१ श्रावण ७, सोमबार    वर्गीकृत समाज

नेपालभाषा एकेदेमिया ग्वसालय् नेवाः व नेपाःया इतिहासयात कयाः बौद्धिक सहलह ज्याझ्वः क्वचाःगु दु ।

शनिबाः एकेदेमिया सभाकक्षय् जूगु ज्याझ्वलय् सांस्कृतिक इतिहास अध्येता डा गोविन्द बोल श्रेष्ठं नेवाः व नेपाःया इतिहासलिसें स्वापूयात कयाः मूखँ तयादीगु खः ।

ज्याझ्वलय् नेवाः सु खः, गुबलेनिसें नेवाःतय् अस्तित्व दत, दकले न्हापांगु नेवाः बस्ति गन खः, इतिहास स्वयां न्ह्यः नेवाःतय् स्थिति, नेपालभाषा गुलि पुलां, धैगु विषययात कःघानाः बौद्धिक सहलह जूगु खः ।

एकेदेमिया प्राज्ञ दुजः त्रिरत्न शाक्यं सहजीकरण यानादीगु ज्याझ्वलय् ब्वतिमिपिन्सं मू खँय् थःथःगु बिचाः न्ह्यब्वयादीगु खः ।

नेपालभाषा एकेदेमिया भाइस चान्सलर मल्ल के सुन्दरंं नेवाःतयगु प्राग इतिहास कुलेगु कुतः कथं थुगु ज्याझ्वः जूगु धासें थुकिया विस्तृत अध्ययनय् एकेडेमि अझ न्ह्याःवनीगु घोषणा यानादिल ।