लुँया भावय् हाकनं न्हूगु रेकर्ड
eBukhan – ईबुखँ अर्थ डेस्क, २०८० चैत्र ८, बिहिबार वर्गीकृत अर्थ
नेपाःया बजारय् लुँया भावं हाकनं न्हूगु रेकर्ड कायम याःगु दु ।
विहीबाः तोलाय् निद्वः व खुतकां लुँया भाः थहांवनाः न्हूगु कीर्तिमानी मू कायम जूगु नेपाल सुनचाँदी व्यवसायी महासंघं धाःगु दु ।
विहीबाः छापावाल लुँया भाः तोलाया छगू लख २७द्वः व च्यासः तका व तेजाबी लुँया भाः तोलाया छगू लख २७द्वः व निसः तकाय् विक्रीवितरण जुयाच्वंगु दु ।
बुधबाः छापावाल लुँया भाः तोलाया छगू लख २५द्वः व निसः तका व तेजाबी लुँया भाः तोलाया छगू लख २४द्वः व खुसः तका जुयाच्वंगु खः ।
नेपाली बजारय् आःतक छापावाल लुँया भाः तोलाया छगू लख २७द्वः व च्यासः तका थ्यंगु थ्व न्हापागुं खुसी खः ।
अथेहे, थौं वहःया भावय् प्रतितोला ३५ तका थहांवंगु दु । थ्वलिसें, थौं वहःया भाः तोलाया १५सः व ५५ तका थ्यंगु दु ।
म्हिगः बुधबाः वहःया कारोबार तोलाया १५सः व २० तकाय् जूगु खः ।
